Fond bozori: Indekslar keskin qulagach, fyucherslar yangi haftani o‘sish bilan boshladi

AQSh fond bozori fyucherslari dushanba kuni erta savdolarda yuqoriladi — investorlar qisqartirilgan savdo haftasini boshlamoqda.

Dow Jones Industrial Average fyucherslari 68,5 punktga (+0,2%) ko‘tarildi. S&P 500 va Nasdaq 100 fyucherslari mos ravishda +0,28% va +0,29% ni qayd etdi.

Juma kuni esa uchta asosiy indeks keskin pasaydi. Dow Jones Industrial Average 793,47 punktga tushib, 45 166,64 darajaga yetdi. S&P 500 1,67% ga pasayib, so‘nggi yetti oylik minimum — 6 368,85 ni qayd etdi va ketma-ket beshinchi haftalik pasayishni ko‘rsatdi. Nasdaq Composite esa 2,15% ga kamayib, 20 948,36 darajaga tushdi.

Dow’dagi yo‘qotishlar uni “korreksiya” hududiga olib kirdi va u avvalroq shu bosqichga tushgan Nasdaq’ga qo‘shildi. Erondagi urush beshinchi haftaga cho‘zilar ekan, tez yakunlanishiga umid qilgan investorlar real iqtisodiy oqibatlardan xavotirni kuchaytirmoqda.

NewEdge Wealth investitsiyalar bo‘yicha direktori Cameron Dawson CNBC’ning “Closing Bell: Overtime” dasturida shunday dedi: “Bozordagi pasayish keng ko‘lamda va aksiyalar yuqori darajada bog‘liq harakat qilmoqda — bu esa haddan tashqari reaktsiya bo‘lishi mumkin. Bu holat AI ta’siriga kamroq bog‘liq va hozir arzonlashgan sektorlarni aniqlash uchun imkoniyat yaratadi.”

Bozor juma kuni Good Friday munosabati bilan yopiq bo‘ladi, biroq mart oyiga oid bandlik hisobotlari e’lon qilinadi. Investorlar hafta davomida JOLTS (bo‘sh ish o‘rinlari) va ADP bandlik hisobotlarini diqqat bilan kuzatadi.

Korporativ hisobotlar fonida esa Nike, McCormick & Company va Conagra Brands kompaniyalari yaqin kunlarda moliyaviy natijalarini e’lon qiladi.